انا قصدي حد يسرق فلوسج في مصعد عموميالمشاركة الأصلية كتبت بواسطة sara jsm
لا طبعا ..
هم يتكلمون عن الاصانصيرات العمومية مش الشخصيه
|
انا قصدي حد يسرق فلوسج في مصعد عمومي
لا طبعا ..
هم يتكلمون عن الاصانصيرات العمومية مش الشخصيه
نبدأ حيث انتهيتي..موضوعك غريب عجيب اخوي عابر
وانا اقراه جاني شعور غريب يصيدني في الاصانصير اذا معاي حد مااعرفه ..
سواء رجل او امراة او طفل .. مجرد ماينغلق الباب ابدا بالقلق والتوتر
فـ العب في التلفون او اطالع عيالي .. طبعا في حال اضطريت اركب او يركب معاي حد ..
الاصانصيرات الزجاج مريحة لي اكثر من المغلقه .. واغلب الزحمة ممكن تصيدني اذا كنت في المستشفى فافضل دايما استخدم السلم حتى لو الاصانصير فاضي ..
الشعور مزعج وايد .. اول مرة ادري انه يصيد حد غيري ..
فالشعور ليس حصري/شخصي/محدود
او بناءا على كون المرتاب رجل او امرأه كبير او صغير..
ما ادري..
انا خمنت انه -بدرجات متفاوته- ينتاب كل الناس..
اللي يرتاب من الركاب اللي معه..
و اللي يرتاب من تعطل او اي خلل بالمصعد!!
اما اقتراحك ان فهمته عدل انك تقصدين
الاصنصيرات ذات الابواب الزجاجية..
فانا اشوفه اقتراح جدير بالنظر
فيه لجعله الزاما للمباني العامه..
مستشفيات/ فنادق/شركات/مكاتب/وزارات..
ففعلا هو اشوف
فوق انه يعطي نوع من الطمأنينه/الامان للمستخدمين
و يقلل حتما الشعور "بالخلوه"
لو ما كان الراكب رجل مع امرأه او
حتى رجل ف وسط حريم
او امرأه في وسط رجال..
فالابواب الزجاجيه تعطي عامل سلامه اكبر كونها
تسمح في حال التعطل او انقطاع الكهرباء/الاضاءه..الخ
ان من بالخارج و الداخل يستطيعون مشاهدة بعض!
شخصيا صارت معانا حادث لاطفال دخلو الاصنصير
ورغم انه ما تعطل بس هم ما عرفو يتصرفون و قعدو يبكون ..
لين ما جاهم احد و طلعهم بعد ما سمع صوتهم و شافهم ف المصعد
مع ان اضائته كانت قد انطفأت اوتوماتيكيا لطول مدة انغلاق الباب!
*
*
،،
عَنْ أَنَسٍ ، أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ :
" لَا عَدْوَى ، وَلَا طِيَرَةَ ، وَيُعْجِبُنِي الْفَأْلُ ،الْكَلِمَةُ الْحَسَنَةُ، الْكَلِمَةُ الطَّيِّبَةُ "
احيانا يعم الهدوء في الاصنصير و احيانا يولع بالسوالف
مره ركبت من الدور 20
و وقف في 19
و ركب معانا اخ سوداني
و ضغت على الدور 18 ههههه
عاد انا ما اسكت
قلت له من صجك ينزل دور
ياخي حرك رجلك و العب رياضه وانت نازل دور واحد بس
بعدين لا تزعلون اذا قلنا السودانيين كسالى ههههه
عاد انحرج وقال ما فكرت فيها و من هالسوالف. والي معانا يضحكون و الامور طيبه
انا احب اختلط بالناس و بسرعه ينجذبون للحديث
مرات اركب اصنصير والقى شخصيات معروفه
الدكتور الكواري مدير المقاييس و يدور حوار عن منع البالون و رفع معايير اجهزه المكيفات الخ
و شخصيات عامه كثير يركبون الاصنصير من وكيل وزاره لين دكتور بحمد لين مسؤول امني الخ
و فتح السوالف ببيزه
صحيح المده ثواني او دقائق بحسب الانتظار للاصنصير او فتره الطلعه او النزله
لكن ممتعه و التعرف على الاشخاص يحصل خصوصا اذا صادف لقائهم عده مرات حتى لو في الاصنصيد ههه
استراتيجية فتح الحوار احيانا استخدمها اذا كانت الظروف تسمحاحيانا يعم الهدوء في الاصنصير و احيانا يولع بالسوالف
مره ركبت من الدور 20
و وقف في 19
و ركب معانا اخ سوداني
و ضغت على الدور 18 ههههه
عاد انا ما اسكت
قلت له من صجك ينزل دور
ياخي حرك رجلك و العب رياضه وانت نازل دور واحد بس
بعدين لا تزعلون اذا قلنا السودانيين كسالى ههههه
عاد انحرج وقال ما فكرت فيها و من هالسوالف. والي معانا يضحكون و الامور طيبه
انا احب اختلط بالناس و بسرعه ينجذبون للحديث
مرات اركب اصنصير والقى شخصيات معروفه
الدكتور الكواري مدير المقاييس و يدور حوار عن منع البالون و رفع معايير اجهزه المكيفات الخ
و شخصيات عامه كثير يركبون الاصنصير من وكيل وزاره لين دكتور بحمد لين مسؤول امني الخ
و فتح السوالف ببيزه
صحيح المده ثواني او دقائق بحسب الانتظار للاصنصير او فتره الطلعه او النزله
لكن ممتعه و التعرف على الاشخاص يحصل خصوصا اذا صادف لقائهم عده مرات حتى لو في الاصنصيد ههه
لانه المشكله ياخوي بو عبدالله ..هي في اشغال الخواطر!!
فالخاطر/القلب..ينشغل في هالحاله اما بما يشاهد او يسمع!!
واعتقد انه مع كون الهدوء مطلوب اكثر لعدم ازعاج البقيه..
لكن فيه احيانا و مع كثرة الزحام ..راحه لو تحدث البعض
بشكل لطيف/خفيف يخفف الجو/الريبه..سواء عليه او على البقيه..
اما فتح حوارات قضايا عامه او حتى غشمره خاصه..
فانا ارجح انها -تماما كمن يتحدث بالجوال-
قد تزعج بقية الركاب الذين لهم حق لو
ما تأملنا عميقا المسألة!!
فكما اننا نحب ان نرتاح في مشوار استخدام الاصنصير
و ان لا يزعجنا شيء/احد..
لا بد ان يتحلى احدنا كذلك بتذكرر
الهدي النبوي باعطاء الطريق "حقه"
ان صح التشبيه !!
*
*
،،
عَنْ أَنَسٍ ، أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ :
" لَا عَدْوَى ، وَلَا طِيَرَةَ ، وَيُعْجِبُنِي الْفَأْلُ ،الْكَلِمَةُ الْحَسَنَةُ، الْكَلِمَةُ الطَّيِّبَةُ "
صعبة حالتي فجأة اختلف لوني وزادت حيرتي
من أيام اشوف مكتوب داخل المصعد عدد 20 شخص .. حاولت اوزعهم توزيع منطقي طلعوا كل واحد كرشته في كرشة الثاني لو لهم كروش
عندي اقتراح ممكن يكون عملي للوقوف وعدم مضايقة الآخرين وكذلك ليكون تنظيم للدخول والخروج بسهولة .. ليش ما يتم لصق خطوط شبكية تقسم المساحة الداخلية لمستطيلات يقف فيها كل شخص ويتم ترقيمها حتى ينعرف فعلياً كم العدد المناسب لهذا المصعد حسب مساحته
بعدين ملاحظ إن الكثيرين من يوقف المصعد يدرعمون ولا يخلون اللي بينزلون ينزلون قبل وهذي آداب عامة لإستعمال المصعد وكذلك ابقاءه مفتوح لو حد جاي وراك
بوعبدالله انت اللي صايد السالفة مرتين
اهمها يمكن هذي اللي بالاحمر اعلاه..
طبعا احنا اغلب ان لم يكن كل الاداب العامه
نقلد فيها من سبقونا من اباء و امهات او
بشيء من التلقين في مراحل التعليم..
الحين يابوعبدالله
اللي مثلي و مثلك ..ولا بقصور بالشباب
و الشابات اللي معانا ف النقاش/اثراءا و قراءه..
فلا ابوي و لا ابوك(الله يرحمهم)
اركبو لنجات بالاصنصيرات يوم الغوص
و لا عرفو الاصنصيرات الا (الله يغفر لهم) لما دشو المستشفيات..
فمن وين مجتمع مثل مجتمعنا بيكون فيه
"تقاليد" و اداب و اعرافعامه
متعلقه بالمصاعد/الاصنصيرات
اذا ما استحدثناها/ابتدعناها..
و تكلمنا حولها في مجالسنا/منتدياتنا...الخ الخ
و سعينا لتطبيقها كافراد و جماعات!
ننطر -مثلا- الدلال ترامب
يبيع علينا تعليمات و اداب الاصنصير..
عمولته بتكون اغلى علينا من هالكلمتين!
التعديل الأخير تم بواسطة عابر سبيل ; 18-09-2019 الساعة 08:39 AM
*
*
،،
عَنْ أَنَسٍ ، أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ :
" لَا عَدْوَى ، وَلَا طِيَرَةَ ، وَيُعْجِبُنِي الْفَأْلُ ،الْكَلِمَةُ الْحَسَنَةُ، الْكَلِمَةُ الطَّيِّبَةُ "
فكرة المربعات وترقيمها لتسهيل ملء الفراغ والواحد يحاول يلزم نفسه بشغل مربع بعيد حتى يترك مجال للداخلين وراه .. أوقات تفكر تدخل مصعد تحصل ثلاثة سادين الباب ووراهم فراغ كبير يكفي قد عدد من هم في المصعد .. القصد الترتيب والبعد عن الأنانية
اعجبتي جدا هالفكره و هي سهلة التطبيق
و ممكن الزام المباني العامه لاتخاذها و بابسط الطرق
و اقل التكاليق و حتى اجمل الادوات!!
لو تكون ارضيات المصاعد مثل
لوحة الشطرنج (مربعات بلونين)!!
سواء ارضية المصعد بمواد غالية/عالية الجودة (رخام)
او سيراميك/بورسلان
او اي من المواد التي يحبذ اصحاب المباني
وضعها في ارضيات المصاعد..
فهذي فعلا بتساعد جدا -مع التثقيف- انه في حال امتلاء
المصعد بالركاب كل منهم يحاول يوقف على احد هالمربعات..
و بذلك تستوي صفوفهم و لا تتدافع/تتلاصق الاجسام
ببعضها!!
و اترك لك يا خبيرنا المعماري وضع المقاييس المعقوله
لحجم البلاطه (15 سم * 15 سم) و لا متر في متر..
على حسب وين يكون الاصنصير..
مكان فيه هوامير
اكيد تحتاج مساحات شاسعه لتسع احجامها
و مكان فيه زمارير
فما تحتاج الا شبر في شبر!
التعديل الأخير تم بواسطة عابر سبيل ; 18-09-2019 الساعة 08:48 AM
*
*
،،
عَنْ أَنَسٍ ، أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ :
" لَا عَدْوَى ، وَلَا طِيَرَةَ ، وَيُعْجِبُنِي الْفَأْلُ ،الْكَلِمَةُ الْحَسَنَةُ، الْكَلِمَةُ الطَّيِّبَةُ "
لا طبعا .. يمكن في اشخاص يحتاجون مربعين ونص ..
ليش الاحراج.. الفكرة مب حلوة
تُنسى ، كأنَّكَ لم تَكُنْ ..
بالعكس حلوه ويعذروني الكل يسوون اصنصيرات كلن وحجمه.!
لا طبعا .. يمكن في اشخاص يحتاجون مربعين ونص ..
ليش الاحراج
وأتمنى اخوي معماري ان شاءالله لي مسك مشروع كبير يسوي لنا اصنصير وردي
يعني اذا 6 اصنصيرات واحد منهم وردي وطبعا حجم معين الي يستخدمونه عشان كمية الأكسجين بارك الله فيكم.!
..
..
إلــــــهــــي رضـــــآك والــجــــنـــة *
ضوابط المشاركة
رد مع اقتباس
