الله يبارك فيك ويصبحك بالخير فيه برشر جديد الحين تتحكم فيه حسب قوه الماي باي مكان تقدر تحطه وماتفرق اذا الخزان فوق او تحت المشكله ممنوع تحط خزان فوق البنت هاوس عند التسليم لازم يكون له غرفه مفتوحه من الجهتين داخل البنت هاوس القصد انه مع السخانات المركزيه ياخد غرفه كامله من مساحه البنت هاوس وهاي السبب ان بغيت يكون بالحوشالمشاركة الأصلية كتبت بواسطة sara jsm
,
,
مرحبا
اخوي الكريم
بالنسبه للخزان الي فوق هو ضروري في حاله انقطعت الكهرباء لاي سبب من الأسباب
بيكون في ماي بالبيت على الأقل يومين جدام وينزل عادي بالجاذبيه وساعتها بيكون تصلح الخلل وانت ما عانيت من انقطاع الماي
افضل من يوقف الماي عليك وهذا لمصلحتك انه يكون فوق
خزان الماي الان لازم عليه غرفه
تخيل شكل البلد قطر وكل بيت فوقه ( توانكي الماي ) بصراحه هو تشويه لمنظر البلد
راح نكون مثل الدول الفقيره العشوائه اذا كل واحد يركب تانكي الماي بالطريقه الي تناسبه
الأفضل هو القانون يكون عليه غرفه
يحفظ التانكي من الغبار ومنظر جمالي للبلد
التوانكي فوق فيها تشويه واضح
الي يركب عليه كراتين والي يركب عليه اخشاب بليوت والي يلفه بطربال عن الشمس مو الكل يركب مبرد
وخاصه بيوت الايجار مشوهه البلد بصراحه
خل نكون واقعيين هو تشويه للبلد
وكذلك بيبات المنهولات الي نازله من فوق الى تحت للحمامات لابد تكون مخفيه او عليها ( جي ار سي )
هذا منظر جمالي اصبح ضروري
بالنسبه لكراج السيارات
90% من الكراجات الي تشوفها ببيوت الناس هي أصلا بدون ( تصريح )
اذا هي من النوع المعلق من جهه الاماميه بدون اعمده وما لمست ارض الحكومه الخارجيه
فما احد بيكلمك ولو تسئل البيوت الي جنبك بيقولون لك مارحنا البلديه
لو كان فيها تشديد كان شركات الكراجات والمظلات ما بيركب لك الا اذا عندك رخصه
لانه بيكون مخالفه كبيره على الشركه الي ركبت لك فالبلديه مو حاطه أي غرامه على الشركات
وهذا دليل ( غض النظر ) عن هالموضوع
للأسف البلديات مافي ( استاندر واضح ) او بريسيجر للكراجات فيقولون لك ممنوع وهذا اسهل شي
وكل بلديات قطر بيقولون لك ممنوع
عموما اخوي اذا عطوك رخصه للكراجات امام البيت او جنب البيت أي مكان تحصل موافقه اخذها
وانت سو الناحيه الي تبيها اذا مو معرقله السير
بس حاسب من ( زاويه البيت ) هذا شوي عليها تشديد لانها تحجب الرؤيه على السيارات
هذا الخلاصه من خلال مراجعاتي مع البلديات
,
,
شموخ
التعديل الأخير تم بواسطة شموخ دائم ; 02-06-2020 الساعة 10:13 AM
مشكور كفيت ووفيت
اخوي شموخ خلاص القانون الجديد ممنوع هالشوائب تكون ظاهرة
وعشان اتمام البناء لازم تكون مغطيهم ..
تُنسى ، كأنَّكَ لم تَكُنْ ..
زين ينطلب من المشوهين تعديل الوضع
اخوي شموخ خلاص القانون الجديد ممنوع هالشوائب تكون ظاهرة
وعشان اتمام البناء لازم تكون مغطيهم ..
ويهنيك يالغالي جعل عمرك طويل نعم انا وضحت فوق ان الفيلا علي شارعين والشارع الخلفي اكبر من الامامي مرتين وبنفس الشارع اكثر الساكنين فاتحيين ابواب ومسويين مظلات للسيارات لاكن البلديه امس يقولوا ممنوع مظلات خلف الفيلا اوتفتح باب ثاني بالخلف وتري الشارع الكبير فردي موب رئيسي
معليه يااخوي هاي كله يتعدل ..
انت التزم بالخرايط وعقب مايخلص المفتش وتاخذ اتمام البناء هني تقدر تعدل ..
واحد من الاخوان هني صكر عالخزانات كله بالمنيوم اظن مش متاكدة !!
لكنه عمل غرفه وفيها باب للعمال وبعد ممكن تصكره ببراغي عشان تقدر تفتحة كامل اذا ( صار ماصار ) وبغيت تبدل الخزان ..
باطرش رابط موضوعك حق واحد من الاخوان وان شاءالله يشارك ويفيدك
وهو تبع بلدية الريان ايضاً
تُنسى ، كأنَّكَ لم تَكُنْ ..
مشكوره اخت ساره وهذا الي بيصير بعد التسليم ان شاءالله
كلام صحيح يا مهندسة
ممكن بدال الألمنيوم تركب طابوق 10 سم لتخفيف الوزن أو طابوق سيبوريكس 10 سم بعد يعطيك وزن نص وزن الطابوقة العادية وحتى أقل يوصل للثلث .. وظلل من فوق بسندويش بانل بس سوه مخفي ما يبين في الواجهات وسو له تصريف لمياه المطر وعزل من فوق .. الفتحة للتانكي وللدخول تقدر تخليها مفتوحة ما تبين من فوق الوارش يغطيها
انا بصور لكم المنظر وانزله هني انا متاكد ماحد بيعجبه المنظر لان لو بهاي المنظر عندي احطه فوق البنت هاوس افضل
ضوابط المشاركة
رد مع اقتباس
