فيه موضوع قد أكون مخطيء أو شاك فيه وهو كثير تكلموا عن خل التفاح الطبيعي والاورغانك في علاج السمنة والسكر .. انا بديت فيه فترة مع السلطة يومياً وقمت أزيد شوي أوقات بدون قياس .. المشكلة حسن السكر وضعفت شوي وأحس بشبع بسرعة بس مع انتظام السكر جاني تسريب في العين متكرر دفعات وكم مرة اليمنى ومرة اليسرى والعلاج مزعج والوضع كله مزعج والتفسير عدم انتظام السكر .. زين قبل لي سنين طويلة المعدل عالي ولا جاتني مشاكل في العين الا من حول 32 سنة من أول ما تخرجت وصحيح بسبب ارتفاع السكر بزود وتلاشى بنفسه .. ألحين تسريب قوي وليزر وابرة وسالفة

المهم بديت اربط بين الخل وهذا التسريب بسبب إن الخل يسبب سيولة في الدم والدم من يوصل شرايين العين الرفيعة والمسدودة بالسكر يضغطها وتنجرح ويتسرب بسهولة .. وقفت الخل وأحس بتحسن تدريجي وبدت النقاط السود تختفي ولله الحمد مع إني ما خذت علاج ولا ليزر