مشكورين جميع إخواني وإختي سارة

الحمد لله مأدبه والمعنويات عالية ومحافظ بس حبيت نصيحتي توصل للي عنده شخص كبير والا صغير فيه هذا المرض المزمن شيسوي .. تكلمت عن التمرين البسيط اللي ما ياخذ دقيقتين بنوعيه ويساهم في اعتدال السكر وفي صحة الجسم .. مثال ثاني السباحة والمشي بس السباحة لو الواحد بيسبح بسرعة شوي بحيث يتنفس بسرعة أكيد بتكون أفضل له بشرط ما ينسى نفسه ويتفاجأ بنزول سكر مفاجيء .. الموازنة ضرورية

شيء ثاني من ملاحظاتي على الأكل .. الخبز المستوي أخف وايد من اللي استواءه خفيف وكذلك الرقيق والأسمر

العجيب اللي لاحظته وأكيد على مدى أيام وبجهاز القياس وبدون القيام بمجهود قوي مع الأكل قصدي .. هو العيش ( الرز ) سواء أبيض أو غيره لو كان مستوي ولين يكون أخف سكريات من النثري واليابس شوي وكذلك البلاليط ( الشعيرية ) إحنا بيتنا نسوي الضعيفة التايلندية أخف بس من يسوونها لينة آكل مع عسل وكمية كبيرة ما ترفع السكر كثير والظاهر إن الطاقة اللي فيها تخف

بالنسبة للفواكه .. التفاح الأحمر وايد أخف من الأصفر ومن الأخضر يمكن الأخضر مع إنه حامض شوي هو الأكثر سكريات .. اللي ما كنت عارفه وحارم نفسي منه هو الجح وآكل شوي .. على مسؤوليتي اللي ياكل صحن كامل ما يرفع السكر الا بمقدار بسيط والتجربة خير برهان .. المشكلة كأن فيه سحر بعد ساعتين أو ثلاث ينزل السكر وأوقات يوصل تحت المعدل الطبيعي وكأنه دواء

مغامرة الشمام ما دخلتها .. المنغا عادي عصير بدون سكر بس يرفع السكر شوي حسب النوع ودرجة الحلاوة بس مب ذاك الزود مقارنة مع الجح اعطي المنغا 1.5 الى 2.5 حسب درجة حلاوتها والجح 1

والله يرزق الجميع صحة هانئة وحياة سعيدة وبإذن الله لنا مواصلة