الكبار صعب تقنعينهم بتمرين مهما يكون بسيطالمشاركة الأصلية كتبت بواسطة sara jsm
عندي الوالدة الله يحفظها اتعب معاها تقتنع تبدأ تسوي التمرين شوي وتوقف مع إنها في تمارين العلاج الطبيعي كانت تسوي كل شيء وفترات .. عندها دوالي وانتفاخ في الأرجل والله يهداها صعبة وايد ما ترضى لا بعلاج ولا تمرين
هاذي المشاركة بعلمكم فيها عن فايدة الحركة والمجهود البدني للاعضاء وللصحة العامة.
يوم من الايام حسيت بتعب وصداع يجي ويروح وفكرت آخذ اجازة يوم اريح فيه، نفس ذا اليوم اللي نويته راحة اتصل فيني مندوب شركة اثاث وهو جدام البيت يبغي ينزله؟ المهم قمت اشتغلت معهم عشان لا يكسرون لي الاغراض.. اشتغلت معهم.. وخلصنا يمكن عقب ساعة ونص. المهم التعب راح.. راح ما كني الا في احسن حال.
لو بسأل اي واحد فيكم متى آخر مرة تحركت.. يمكن يقول من شوي طلعت الحوش او اجيب غرض من السيارة؟
وهذي اجابة غلط 200 بالمية.
متى آخر مرة تحركت حركة جادة ولمدة تتجاوز 20 دقيقة؟ يعني باختصار سويت رياضة!
الاجابة: بعضنا قبل شهر
بعضنا قبل اسبوع
بعضنا قبل 3 سنين!!
تتخيلون؟ حتى المشي بالمولات وبالعدال وفي بيئة مكيفه ما يفيد ذيك الفايدة.
فاغلبنا للاسف له شهور او يمكن سنين ما تحرك!
بنيته العضلية تعبانه
مفاصلة بالتالي تعبانه
اعصابه تعبانه و دورة دموية تعبانه
وللاسف أمرضتنا الراحة... ورغم انه تريح الجسم الا انها تتعب النفس وهذي بلوة كبيرة
اللهــــــم ارحم أخي فايز واسكنه فسيح جناتك وسائر أموات المسلمين
كلام صحيح 100% إعرق واتعب
لي رفيج بدين وايد وايد وثيابه تفصيل خاص يلبس بنطلون وقميص البنطلون بعلاق أكتاف .. عزم واحد من الربع على رحلة حداق وراح رفيجنا الثاني والثاني راعي تعليقات ونقد .. بعد ما رجع يقول شفت هالمتين منسدح وشغله بس يقط الخيط بالصنارة وكل شوي نادى اخوه الصغير يسوي باقي الشغلات .. عاد يقلد كلامه ولهجته ذبحني ضحك
الوالد الله يغفر له كان يشتغل شغل يدوي ويتعب كان يقنص مع شباب وهو أكبرهم سن ويذكر لي واحد قوي ونشيط ورياضي وشاب كيف أتعبهم البرد قرب الحدود العراقية في شمال ذيك البلاد .. يقول بعد فترة خلاص ما نقدر نواصل قررنا نرجع قطر والفترة كانت حول الشهر .. يقول لي ابوك هاوشنا وزعل علينا وخلانا وواصل مع ناس توهم جاين
لين رحنا معاه رحلة واحنا صغار هو اللي يشتغل ويعتمد على يده .. الغريب وقت البرد يتسبح في البر بماي بارد .. الله يرحمه ذكريات ما انساها .. متولع بالكروزر بكل أنواعه وما يحب التكييف أغلب الوقت بدون مكيف .. انا عكسه حتى عمري ما قنصت مرة يسمعني قصيدة وهو يشعر قلت يبه يبي لي ترجمة .. فتن عينه معصب وقال من صجك ما تعرف قلت والله شتتوقع من واحد دارس في أمريكا وانت تقول كلمات صعبة علي وكنت من صجي مع شوية مبالغة
رحم الله والدنا ابو حمد واسكنه فسيح جناته
اللهــــــم ارحم أخي فايز واسكنه فسيح جناتك وسائر أموات المسلمين
الله يرحم والديك اخوي بو زيد ووالدي الجميع
السكري وتأثيره على الجلد مقطع قصير حول دقيقتين مهم ومفيد للجميع
هذا مقاطعة مختصرة وسريعة ومفيدة مب مثل العرب يذلون اللي يسمعهم والزبدة تنقال في دقيقة يطول يخليها ربع ساعة
معلومات ما كنت اعرفها عن الصيام
الله يشافيك ويعافيه وجميع المسلمين من هالسكري وهالامراض
ممنوع التدخين التوقيع مكيف
(▓▓▓(̅(_̅_̅_̅_̅_̅_̅_̅_̅_̅_̅_̅_̅()ڪے
ضوابط المشاركة
رد مع اقتباس