نشوهها عاد !!!المشاركة الأصلية كتبت بواسطة Thamer_Qat
انا نصيحتي كل واحد يمد رجوله على قد لحافه ..
عندنا واحد من الاعضاء تبهدل بسبه المكيفات المركزيه ويمكن صارله 13 سنه في نفس الدوامه ..
البساطه مطلوبه .. عندك استطاعه ابدع في بيتك لكن ماعندك حاول تخلص لان العمر بيخلص والشخص للحين ماخلص بيته ..
نصيحتي بشكل عام مب لك اخوي ثامر ..
تُنسى ، كأنَّكَ لم تَكُنْ ..
الشرف لي اخوي العزيز ومشكور على الضيافه الطيبه ومنزل مبارك ماشالله متعوب عليه والفال لنا
وحقيقه استفدت منك في المنتدى ولما جيتك وشفت كل شي على ارض الواقع ومن تجربتك فبيتك انتبهت لأمور كثيره غيرت فيها تفكيري
وطبعا الأخ معماري والأخت ساره وسعود وغيرهم فعلا خبره ماشاء الله ونتعلم منهم جزاهم الله خير و وفقهم الله
علمتني الحياة ان لا اتعاطف او انحاز لأي احد حتى اسمع للطرف الآخر
شيء أكيد والله يوفق الجميع
انا عرفته بالتلفون وهو من أهل قطر الخيرين .. الله ينجينا من تعب البنيان وخسايره وينجي الجميع
بو سعود شوف لنا فلم زين في السينما وهالمرة العزيمة علي لكن عليك تحديد الفلم والموقع وفيلاجيو في الليل مبدئياً مناسب لتوديني فلم Pg13 بس
حاضرين يابوعبدالله انت تامر بشوف لك فلم عمر 18 واطلع
اذا تبي فلم مش مقطع سينما اللؤلؤة من بعد الساعة 12وممنوع دخول الصغار
التعديل الأخير تم بواسطة Azizuk ; 04-08-2021 الساعة 12:38 AM
ماعليك زود اخوي الكريم
نعم تعرفت عليك من 6 سنوات وجيتك البيت وتقهويت عندك وخذتني بجولة في البيت ورويتني القبه الزجاجيه وطريقة عزلها وحمام السباحه وكذا شي ناسيهم.
وبعدها تلاحقنا لمعيذر خلف النادي ورويتك مشروع فلتي والمشاكل اللي وقفت بنياني
بوسيف بيجيني الفيلا هاليومين اذا ودك تمرنا وتشفون سير العمل وتعطونا من بعض مالديكم من خبره لايستهان بها حقيقه لاقوة الا بالله وماشاء الله
علمتني الحياة ان لا اتعاطف او انحاز لأي احد حتى اسمع للطرف الآخر
بالنسبة لي ما بنيت لكن عاصرت بنيان اللي بنوا من اخواني. ويمكن الخص عدة نقاط بشكل عام ولا غني عن تعقيبات الاخوان وتوجيهاتهم السديدة.
البنيان نشاط مجهد و متعب و يحتاج له اعداد جيد و وضوح في الخطة واعصاب حديد.
يمكن بالبداية تأكدون علي العقد وطريقته وهذا مهم لدرجة اننا ما بنذكره لانه مفروغ منه.
لكن نقاط سريعة يحتاجها كل مبتدي في البنيان.
اولاََ، اختيار التصميم الجيد من ناحية الغرض والميزانيةوالالتزام به قدر الامكان.
المقاول ( سر النجاح)، ابتعد عن الطرفين.. رخيص و غالي.. خذ المعقول.
الثاني : الاستشاري يعالج بعض المشاكل ما يعالجها كلها ويمكن بسهوله يلفه المقاول يمرر أمور دون علم الاستشاري. لذلك نرجع للموضوع الاساسي وسر النجاح (المقاول وسمعته).
المقاول الزين تجده ما ياخذ فلل اكثر من طاقته.. لذلك يمكنك ان تعرف أن المقاول مشغول أو متفرغ (لك) بوسائل كثيرة.
المقاول الجيد متواجد في المواقع و ملم بالاساليب المتعارف عليها، يراقب اعمال الحفر والدك و الاعماق والاحجام ويراقب النجار والحداد لان هذيلا لو تبغي بيت من قصب يسوون لك، يغلطون واغلاطهم تكلف.
اي مقاول ما يتواجد باستمرار في الموقع هذا يعني انه اي كلام، الا في حالات نادره يكون عنده فورمنيه ممتازين.
اخيراََ البناء بالطرق الحديثة مطلوب وهدف لكن تأكد من ان العمال يعرفون يوصلون للمستوى الجيد عند تنفيذ اعمال (عزل او تمديد.. الخ).
فكم من مدعي للانجاز ولكن انجاز مشوه.
َمع هذا الى الان اعترف ان مشكلة البنيان كبيرة واشوف ان يحتاج لها توقفات فقد لاحظت ان العامل اللي تعبانين عليه مشتغل جدار بشكل ممتاز وجدار بجودة أقل.. فهل ممكن يكون هناك تأثير الأجواء او لاختيار وقت العمل علي كفاءة اليد العاملة.
الله يعين الجميع و لا الوم اي انسان يوقف مع العامل والمقاول من اول ضربة الي آخر ضربة عشان يطمئن ويعرف ان اللي في الموقع عمال ملتزمين وليسوا في سباق للاتجاه لموقع آخر ولمواطن آخر يقصون عليه
التعديل الأخير تم بواسطة سالم الزهران ; 03-08-2021 الساعة 02:05 PM
اللهــــــم ارحم أخي فايز واسكنه فسيح جناتك وسائر أموات المسلمين
ايضاََ كلمة مبدئياََ خلنا نسوي، والين نوصل للشغلة الفلانية بنلقى حل.. هذا الكلام تمويه وفرض أمر واقع ونتيجة لا مفر منها في النهاية؟
لابد يكون عندك تصور كامل. وشكراََ
اللهــــــم ارحم أخي فايز واسكنه فسيح جناتك وسائر أموات المسلمين
أطراف البناء إخوي سالم كثيرة وكلها عوامل مؤثرة وتأثيرها كبير
أولها المالك وقناعته واعتقاده ومقدرته
ثانيها الاستشاري والتصميم وتفاصيله المكتملة
ثالثها العقد والمواصفات
رابعها الإشراف الجيد ويجي من ضمنه متابعة المالك وهنا لازم يكون دور المكتب الهندسي المشرف هو مدير المشروع
خامس شيء يجيك المقاول ومهم يكون جيد وعنده تأمين ومرخص وشغله قانوني وحتى إحتياط تذكر في العقد إن على المقاول تخليص كل المعاملات القانونية مع الدولة وتحمل الموقع وسلامته
سادس شيء مهم هو إشراف الدولة العام والجانب القانوني وهذي الثغرة مهمة ومفقودة عندنا لذلك يزيد اللعب ومن الكل مقاول ما يسوي اللي عليه واستشاري يتابع عن بعد وشغله بس يوقع وعمالة سايبة تشتغل أي كلام
هذي العناصر المهمة
عاد نجاح البنيان وبحدود ميزانيتك هذا يعتمد على إختيارك وتوفيق رب العالمين ودوم اسئل شخص محايد وبعيد عن الشغالين حولك وتثقف ما يضرك شيء أوقات انت اللي توجه الإستشاري وتنبهه سواء للتصميم أو الإشراف
ذكرت ست عوامل مهمة يبقى عامل سابع وهو تجار البلاد واستيرادهم لجميع مواد البناء الجيدة وهنا يدخل كذلك عامل تنظيمي ورقابي مهم من الدولة لوضع مواصفات معينة لا يقل عنها أي منتج مستورد وكذلك مواصفات تركيب معينة يلتزم بها الجميع وتقع المحاسبة القوية على المخالف
للأسف بعض المحلات فيها عمال وموظفين يمكن أكثر من البضاعة واللي بيطلب شيء معين يطلعونه من عينه بالسعر العالي والانتظار فترة طويلة
ضحكتني يا بو سعود
قصدي فلم هادف ما احب الأكشن وأحب القصص الحقيقية أو شيء يضحك
كيفك اللؤلؤة عدي بها أيام البرد الله يعودها علينا
ضوابط المشاركة
رد مع اقتباس
