مشاهدات و وجهات نظر

[معماري قطري]

شفت هذا الفيديو للمحاكمة على تراكم مخالفات مرورية لطالبة سعودية وكيف القاضي ألغى عنها كل المخالفات .. صار لي نفس الوضع مرات وكل مرة الكلام الطيب والمقنع مع الهدوء والابتسامة يسهل أموري .. عاد ابتسامة هذي البنت فرق

مرة وحدة رحت لمكتب القاضي وكنت خايف متخيل محكمة والوضع صعب .. والله اني دخلت ووصلت للموظف التابع للقاضي وشاف أوراقي وقال لي خلاص ما عليك شيء .. كانت مخالفاتي وايد تهرين وتعليق على الهرن مع عصبية وفي منطقة سكنية وآخر الليل وعدم ربط الحزام وعدم الامتثال لأوامر الشرطي وآخرها عدم وجود أوراق السيارة معاي .. الشرطي ألغى كل شيء وما اذكر بعد كم مخالفة هو عددهم لي وأبقى مخالفة أوراق السيارة لازم اخذها واروح لمكتب القاضي وهم يشيلونها كنت متخيل باشوف القاضي وبيوبخني ويمكن يعطيني مخالفة أكبر .. لكن كان دخولي وخروجي سريع يمكن ما خذت 5 دقايق .. هذا لو عندنا شيكون الوضع؟

وحال القضاء عندهم وعندنا فرق وهذي حقيقة

أكيد رتبوا مع البنت وخذوا اذنها في النشر وتوقيعها

[sara jsm]

كانت مخالفاتي وايد تهرين وتعليق على الهرن مع عصبية وفي منطقة سكنية وآخر الليل وعدم ربط الحزام وعدم الامتثال لأوامر الشرطي وآخرها عدم وجود أوراق السيارة معاي ..

هاي انت ؟؟
لو مكان القاضي والله حبستك في غرفه كلها هرن غاز وسندرتك عدل

[سالم الزهران]

هو القاضي بروحة استوى مادة اعلامية..

[معماري قطري]

هاي انت ؟؟
لو مكان القاضي والله حبستك في غرفه كلها هرن غاز وسندرتك عدل

كنت معصب على واحد يسولف مع سيارة ثانية ومسكر الطريق والاشارة بتتحول حمراء

بعدين تاريخي هناك نظيف لو انتي كل يوم مخالفة .. انا معروف من طفولتي اتحزم ولا اخالف القانون

[سالم الزهران]

مساء الخير
من مشاهداتي في اوروبا وتحديداً النمسا، ونت ماشي في مسارات التنزه اللي في الغابات تجدها مخدومة باللوحات الارشادية وبكراسي الجلوس و تلفونات الطواريء، اذا كنت بمكان يعتبر متنزه فممكن تقول عادي،، لكن في أماكن بعيدة عن المدن تجد اقل شيء لوحات ارشادية و خطوط هاتف وارقام طواريء.

الفايدة اللي خطرت في بالي ان في الخليج وفي الدول اللي تشوف نفسها تطورت، تحصل المسؤول مب عارف يرتب حديقة بيته.. كيف تبغيه يرتب لك مدينة بحدائقها و ميادينها وخدماتها؟