المشاركة الأصلية كتبت بواسطة (الفيصل)
المشاركة الأصلية كتبت بواسطة /////
السلام عليكم
اخوي الفيصل حبيت اطرح عليك موضوع وان شاءالله تفيدني اذا كان عندك خلفية انا ادرس بنات ابتدائي في اول اسبوع كنت اعطيهم قصص عن الانبياء واذكر لهم احاديث واشرحها وابسطها لهم ومن ضمن هالاشياء اذكار الصبا ح والمساء المهم كل وحدة قالت من اليوم بنلتزم باذكار الصباح والمساء وفي كل بداية كل حصة اسال من اللي قال اذكار الصباح البعض رفع يدة والبعض لا ولفت انتباهي بنت حاطة راسها على الطاولة ونايمة حالتها حالة من ملابسها حتى تسريحة شعرها قربت منها وصحيتها قلت ليش نايمة قالت نايمة متاخر وكل اللي في الصف يطالعونها وانا اسالها قلت لها قريتي الاذكار وانتي عارفة فضلها كبير قالت ماعندي احد يصحيني انا اصحى ع 6 واقعد خواتي واخواني ونروح بسرعة للمدرسة قلت طيب وين ماما قالت وهي منزلة راسها امي توفت بعدها كملت قالت امي طلقها ابوي وهي رايحة لاهلها توفت والله العظيم اني تعبت في ذاك اليوم من اللي سمعتة بعدها سالت بنت حذاها ها يابطلة قريتي الاذكار عشان اصرف نظر البنات عنها وانا يعلم الله بحالي حسيت الموضوع فية ان رحت لغرفة المدرسات وسالت اللي كانت درسها العام وش وضعها قالت ابوها متزوج سورية وبعد ماانجب منها اربع سفرها عن طريق الابعاد يعني طلعت الام حية وقالوا لي امهم كانت تحاول تتواصل معانا ولما عرف الابو اشتكى على المدرسة عند الشرطة اي قانون يحرم الام من عيالها الحين انا ارسلت لك ابي اعرف هل يحق لة انة يحرمها من عيالها لاني حابة امشي في الموضوع بصراحة واالله لو شفت المنظر اللي شفتة كن تقطع قلبك وماذبحني ان اللي هي تقعد خواتها تدري كم عمرها 10 سنوات وبعدها اختها بصف ثالث واللي اصغر منها صف ثاني وخوهم في الروضة يعني شالت الهم بدري وجميع كتبها حاطة طابع وكاتبة اسمها ومجلدة الكتب هي لان تجليدها باين من شكلة انا كنت اقرا هالقصص واشوف المسلسلات بس مااتوقعت اني اشوفة بام عيني واعيش الموقف الابو هذا حرام علية يطلق علية اسم بشر الحين كتبت هالموضوع واتمنى تقدر تفيدني وجزاك الله خير
وعليكم السلام ورحمة الله وبركاته
ولاحول ولاقوة الا بالله
بداية اسف على التأخير الخارج عن الإرادة
وجزاك الله الف خير عما تقومين به مع الطالبات وفي ميزان حسناتك ان شاء الله
وبخصوص سؤالك عن موضوع الحضانة
فالحضانة من واجبات الأبوين ما دامت الزوجية قائمة بينهما، فإن افترقا ولو بغير طلاق، فالأم أولى بحضانة الصغير، ما لم يقدر القاضي خلاف ذلك لمصلحة المحضون.
ويقوم القاضي بمحاولة الصلح بين الطرفين، على أن لا يتعارض هذا الصلح مع مصلحة المحضون.
والحضانة حق متجدد، فإن سقطت لمانع، أو حكم باسقاطها، وزال المانع أو سبب الإسقاط عاد حق الحضانة من جديد.
والحضانة حق مشترك بين الحاضن والصغير، وحق الصغير أقوى.
فبختصار شديد تنظر المحكمة لمصلحة المحضون ، ولهذا أقول لك لاتدرين بخفايا الامور بشأن هذه العائلة أو بمعنى أخر (الطليقة) .
ولذلك ارى أنتكتفي بالدعاء لها بظهر الغيب وحاولي قدر إستطاعتك أن تشيلي من همها وضيقها وتؤازريها بما قد لايخفى عليك ، وياحبذا لو تم ذلك بالتنسيق مع المشرفة الاجتماعية فهذا دورها -حسب ماعتقد- وفقكم الله وإيانا لما يحب ويرضى .