اقتباس المشاركة الأصلية كتبت بواسطة سالم الزهران مشاهدة المشاركة
وعليك السلام ورحمة الله وبركاته

اخوي طنجة مدينة طبيعتها جميلة ويغلب عليها المتنزهات الطبيعية مثل: مرتفعات الرميلات يمكن تشوفها على الجوجل، وعندك بعد الأماكن الأقرب اللي مطلة على البحر مثل منطقة الحافة و قبلها الورشان و هذي كلها مناطق للخروج والتنزه و تعتبر قريبة في حدود الخمسة الى عشرة كيلو من وسط المدينة.

اذا بتبعد شوي ممكن تروح منطقة المنار شرق طنجة او حتى ممكن تروح لمدينة أصيلة غرب طنجة على ساحل الاطلسي مسافة نصف ساعة بالسيارة.

داخل طنجة عندك القصبة او المدينة القديمة و عندك مولات تعتبر متواضعة ومب كثيرة و الفنادق انصحك اول يومين تسكن في احد الفنادق التابعة لهيلتون عندهم اكثر من فندق، وعقب ممكن تغير وتجرب بيوت الضيافة او الفنادق الشعبية اذا ما عندك مشكلة في صغر المساحة وحاب تعيش تجربة مختلفة.

بالنسبة لتأجير السيارات عندك مكتب ل sixt في المطار اخبره شغال في المطار و تأكد اكثر يجوز تغيرت الدنيا.. أما أجار السيارات رخيص ولكن البترول غالي يمكن في حدود 5 /6 ريال للتر.

المهم تخطيط السفرة عشان ما تكرر المشاهد وعشان تشوف النواحي مزيان وفالك التوفيق.
جزاك الله خير

بو زيد خاطري اروح معاك بس نروح ( توب سيكرت ) ولا نعلن عن الوجهة وعزوب اثنين بس حتى نستمتع بالطبيعة