النتائج 1 إلى 8 من 8

الموضوع: من لندن محتاج نصية ابغي اروح المانيا و سويسرا

  1. #1
    عضو نشط جداً
    رقم العضوية
    6740
    تاريخ التسجيل
    Jan 2006
    المشاركات
    1,206

    من لندن محتاج نصية ابغي اروح المانيا و سويسرا

    السلام عليكم اخواني
    باذن الله رايح لندن 14 يوم في يوليو قاعد افكر وابي نصيحة اللي جربها
    1- ناوي ازور المانيا مع دوله ثانيه شو اقرب و اسهل فيينا او سويسرا؟
    2-ناوي اروح بالقطار لفرنسا و اكمل بدون مانزل فرنسا الى هالدول وين بتكون وجهتي و هل تسوى قطار ولا اروح طياره مع اني افضل القطار
    3-كم ساعه تقريبا من لندن المحطه الى المانيا وهل اصلا هي المانيا اللي بتكون الوجهه بعد لندن-باريس ولا بروح بلجيكا اظن او دوله غير
    4-براييكم من الدوله الاخيره ارجع الدوحه ولا اروح لندن و من لندن ارد الدوحه؟
    5- اللي ببالي ان عندي شناط يا اني اخليها في لندن وارجع لها ومنها ارجع الدوحه او اذا باخذ الشناط معناها لازم اسافر بطياره لان مستحيل شل شناط بالقطار

    يعطيكم العافيه لاهل الخبره وياليت نستفيد منكم انشالله

  2. #2
    عضو مؤسس الصورة الرمزية Al-Kuwari
    رقم العضوية
    4638
    تاريخ التسجيل
    Nov 2005
    الدولة
    قـطـر
    المشاركات
    2,733
    هلا اخوي

    1- النمسا اقرب لالمانيا
    2/3- ما تسوى من وجهة نظري القطار من لندن الى ميونخ ياخذ معاك من 9 الى 13 ساعة - بيكون جداً متعب بالمقابل لو تطلع بطيارة من لندن الى ميونخ بتاخذ معاك الرحلة تقريبا ساعتين او ساعتين الا ربع
    4- ارجع من ميونخ افضل واريح واقرب لقطر , طيارة لندن لي قطر 7 ساعات بالمقابل من ميونخ لين قطر 5 ساعات ونص

    من مطار ميونخ تقدر تستأجر سيارة وتروح النمسا وفي مناطق وايد حلوة مثل سالزبورغ وزيلامسي وكابرون وهالستات و يبعدون حوالي 160 كيلو او اكثر بشوي وبعدين ترجع السيارة لمطار ميونخ وانت راجع قطر


    خذ لك طيارة من قطر لين لندن والرجعة تكون من ميونخ لين قطر

    من لندن خذ لك تذكرة ذهاب فقط وانزل ميونخ ومن ميونخ استأجر سيارة

    روح دور وتمشى واستانس ولا طاب خاطرك رجع الموتر مطار ميونخ وارجع قطر مرتاح

    واذا شناطك وايد وماراح تحتاج اغلبهم في ميونخ فمطار ميونخ عندهم خدمة انك تخزن شناطك عندهم بدال لا تاخذهم كلهم معاك خصوصاً ان لما تستأجر سيارة بيكون عندك مساحة محدودة للشناط

    الاسعار والشروط بتلقاها بهالرابط

    http://www.munich-airport.de/en/cons...=visit_1191750

    تروح وترد بالسلامة ان شاء الله
    إذا ما خلوتَ الدهر يومًا فلا تقل خلوتُ ، ولكن قل عليّ رقيبٌ ،
    .................................................. .... و لا تحسبنَّ اللهَ يغفلُ ساعًة ، و لا أنَّ ما تُخفي عليه يغيبُ

  3. #3
    عضو نشط جداً
    رقم العضوية
    6740
    تاريخ التسجيل
    Jan 2006
    المشاركات
    1,206
    تسلم يالغالي ماقصرت والله انك نورت لي الدرب
    هل اخذ فيزا من السفارة الألمانية عيل؟
    اش يطلبون؟بروح هاليومين شو صور شخصيه و بأي خلفية
    اسمحلنا يا ولد الكواري أذيناك بالاسئلة

  4. #4
    عضو مؤسس الصورة الرمزية Al-Kuwari
    رقم العضوية
    4638
    تاريخ التسجيل
    Nov 2005
    الدولة
    قـطـر
    المشاركات
    2,733
    اقتباس المشاركة الأصلية كتبت بواسطة fantasy مشاهدة المشاركة
    تسلم يالغالي ماقصرت والله انك نورت لي الدرب
    هل اخذ فيزا من السفارة الألمانية عيل؟
    اش يطلبون؟بروح هاليومين شو صور شخصيه و بأي خلفية
    اسمحلنا يا ولد الكواري أذيناك بالاسئلة
    الله يسلمك من الشر

    ايه خذ الفيزا من سفارة المانيا لان اصلاً ماعندنا سفارة نمساوية في قطر

    بخصوص طلباتهم للقطريين يطلبون الابلكيشن معبى وجاهز + الجواز الاصلي + صورة من الجواز + حجز تذاكر طيران + حجز فندق + صورتين شخصيتين وبخصوص الصور روح بس اي استوديو وقوله صور لفيزا شنغن وهو بيضبطك بس اعمل حسابك ممنوع بغتره صور حاسر او روح الاستوديو ببدلة + ممنوع العدسات او النظارات لما تصور

    لا تنسى تاخذ الليسن الدولي عشان تسوق في اوروبا , اي مكتب سفريات يقدر يجيب لك ليسن دولي خلال يوم او يومين وسعره في ريجنسي 150 ريال

    وبالعكس ياخوي مسموح مابه اذية الله يطولي بعمرك

    واي استفسار ثاني انا حاضر وبالخدمة
    إذا ما خلوتَ الدهر يومًا فلا تقل خلوتُ ، ولكن قل عليّ رقيبٌ ،
    .................................................. .... و لا تحسبنَّ اللهَ يغفلُ ساعًة ، و لا أنَّ ما تُخفي عليه يغيبُ

  5. #5
    عضو نشط جداً
    رقم العضوية
    6740
    تاريخ التسجيل
    Jan 2006
    المشاركات
    1,206
    ماتقصر يالغالي

  6. #6
    تميم المجد
    رقم العضوية
    10663
    تاريخ التسجيل
    Jul 2006
    المشاركات
    2,193
    اخوي بالنسبة لمكاتب التأجير بمطار ميونخ ترى يطلبون الليسن الدولي والليسن القطري بعد يعني لازم يكون عندك الاثنين فحبيت أنبهك على الشغله هذه.

  7. #7
    عضو نشط الصورة الرمزية @فهد@
    رقم العضوية
    19819
    تاريخ التسجيل
    Mar 2008
    المشاركات
    997
    اقتباس المشاركة الأصلية كتبت بواسطة Al-Kuwari مشاهدة المشاركة
    الله يسلمك من الشر

    ايه خذ الفيزا من سفارة المانيا لان اصلاً ماعندنا سفارة نمساوية في قطر

    بخصوص طلباتهم للقطريين يطلبون الابلكيشن معبى وجاهز + الجواز الاصلي + صورة من الجواز + حجز تذاكر طيران + حجز فندق + صورتين شخصيتين وبخصوص الصور روح بس اي استوديو وقوله صور لفيزا شنغن وهو بيضبطك بس اعمل حسابك ممنوع بغتره صور حاسر او روح الاستوديو ببدلة + ممنوع العدسات او النظارات لما تصور

    لا تنسى تاخذ الليسن الدولي عشان تسوق في اوروبا , اي مكتب سفريات يقدر يجيب لك ليسن دولي خلال يوم او يومين وسعره في ريجنسي 150 ريال

    وبالعكس ياخوي مسموح مابه اذية الله يطولي بعمرك

    واي استفسار ثاني انا حاضر وبالخدمة
    ردك اخوي مرتب وواضح الخبره .. ماقدرت ازيد اكثر من الي قلته ..

    نقطه مهمه مدة الرحله بالطياره ... من المانيا .. اقرب للدوحه ..

    موفق اخونا صاحب الموضوع .. حبيت اشكر اخونا الكواري .. عجبني رده جعله يسلم



    بخير والحال والأحوال مستوره *** في مجلس لي على مركاي وفراشي
    لو ما تعشى عشايه غير شابوره *** اخير من وجبتن عند العرب حاشي

  8. #8
    عضو نشط جداً
    رقم العضوية
    6740
    تاريخ التسجيل
    Jan 2006
    المشاركات
    1,206
    اخواني الاعزاء بعد فترة تفكير قررت ان ماعقد الامور و اروح بس المانيا لانها بتكون جديدة علي فخلني اتعمق فيها بدل مالف ثلاث دول و مالحق عمري
    طبعا نفس النظام اللي بامشي عليه و هو اني باجي المانيا من لندن بالطياره و من المانيا بسافر الدوحه انشالله و اللي ببالي 5-7 ايام عاد ابغي همتكم اي مطار انزل و هل كل المطارات اقدر اخزن فيها شناطي طول فترة اقامتي
    ابي فنادق باماكن قريبة الستي سنتر مب مكان نائي ياليت تفيدوني اماكن طبيعة جبال و اماكن ترفيه للعيال و هل اخذ سيارة تفضل لي؟
    مشكورين ماقصرتوا

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •